Nala Pamu: వైజాగ్ బీచ్ కు కొట్టుకువచ్చిన భారీ పాము కలేబరం
SADIQ
0
5
BSR NEWS
- నల పాముగా పిలుస్తారన్న మత్స్యశాఖ అధికారులు
- సాగర్ నగర్ బీచ్ లో కలేబరం
- వలలకు చిక్కిన పామును విడిచిపెట్టే క్రమంలో మృత్యువాత
వైజాగ్ తీరానికి మంగళవారం ఓ భారీ పాము కలేబరం కొట్టుకువచ్చింది. నగర పరిధిలోని సాగర్ నగర్ బీచ్ దగ్గర్లో ఈ కలేబరం కనిపించింది. సముద్రంలో అరుదుగా కనిపించే ఈ పామును నల పాముగా వ్యవహరిస్తారని మత్స్యశాఖ అధికారులు తెలిపారు. మత్స్యకారుల వలలకు చిక్కిన పామును తిరిగి సముద్రంలో విడిచిపెట్టే క్రమంలో ఇది చనిపోయి ఉంటుందని చెప్పారు. వలలో చిక్కుకోవడంతో భయాందోళనకు గురై ఈ పాములు చనిపోతాయని వివరించారు. ఈ భారీ పాము కలేబరాన్ని చూసేందుకు చుట్టుపక్కల వారు గుడ్లవాని పాలెం అమ్మవార్ల ఆలయాల తీరానికి పెద్ద సంఖ్యలో చేరుకున్నారు. ఫొటోలు తీసి సోషల్ మీడియాలో పోస్ట్ చేయడంతో అవికాస్తా వైరల్ గా మారాయి.
